Probinsya sang Negros Occidental ang magahulat kag maga sunod sa national policy nga ipa gwa bahin sa pag gamit sang face mask.
Mahimo nga indi na pag i-require ang pumuluyo sa pag gamit sang face mask sa mga outdoor open areas kun aprobahan ni Presidente Ferdinand Marcos Jr ang rekomendasyon sang National Inter-Agency Task Force nga mangin boluntaryo na lamang ang pag gamit sang face mask.
Suno kay Press Secretary Trixie Cruz-Angeles, nalakip diri ang paghaylo sa mga immuno-compromised kag mga senior citizen nga padayon sa pag gamit sang face mask. Pero suno sa Malacanang nabase ang rekomendasyon kun magsaka ang kadamuon sang mga maga pa booster kontra Covid-19.
Ginpahayag ni Governor Eugenio Jose Lacson sang Miyerkules nga kun ma aprobahan, mahimo mas maga diutay pa gid ang mga maga gamit sang face mask.
Pero siya ang magahinyo sa mga senior citizen kag mga immuno-compromised nga padayon mag gamit sang face mask. Wala pa man sang mando, para kay Provincial Health Officer Dr Ernell Tumimbang wala labot sa mga senior citizen kag may mga comorbidities, iya man nga ihaylo ang mga unvaccinated nga padayon sa pag gamit sang face mask labi na nga may mga asymptomatic.
Suno kay Provincial Administrator Rayfrando Diaz, personal man siya naga pati nga makabulig ang face mask batuk sa paglapta sang infection, pero kun mag gwa ang national policy sundon kag -patuman ini sang probinsya.
179 ang active cases karon sang Negros Occidental sa Septermber 7 nga report sang Provincial Incident Management Team. 36 naman ang confirmed Covid – 19 cases sa Cadiz District hospital karon, nga may 80 Covid bed capacity.