Probinsya sang Negros Occidental ang maga require sang negative RT-PCR test result sa mga maga padulong sa probinsya nga gikan sa mga lugar nga yara sa idalom sang alert level 3.
Suno kay Negros Occidental Governor Eugenio Jose Lacson, ini para sa tanan nga gikan sa alert level 3 areas, fully vaccinated man ukon indi. Ipatuman ini sumugod sa Domingo, Enero 9.
Paathag ni Lacson, bisan nga bakunado sarang sa gihapon nga malatnan sang virus kag ini ang tikang agudto mapangapinan man ang mga pumuluyo sa probinsya gikan sa pag lapta pa gid sang virus.
Suno kay provincial administrator Rayfrando Diaz, gina finalize man nila sa karon ang pag butang sang mga booth nga maga patuman sang rapid antigen testing sa mga maga abot nga pasahero gikan sa alert level 3 areas sumugod bwas nga adlaw, Biernes tubtob Sabado samtang wala pa gina patuman ang paghinyo sang negative RT – PCR test result.
Sa pihak nga bahin, sumugod bwas nga adlaw, Biernes dumilian na ang mga kabataan dose anyos paidalom suno kay Lacson sa pagsulod sa provincial capitol lagoon.
Masubo man natungod nga makit-an man ang pag enjoy sang kabataan sa lagoon, suno kay Lacson luyag niya ipalab-ot ang mensahe nga dapat ang mga menor de edad maga pabilin sa tagsa nla ka mga puluy-an labi na karon nga naga pabilin ang threat sa liwat nga pag timbuok sang kaso sang Covid – 19 kasubong sa nagakatabo sa Metro Manila.