Mahimo nga madugayan pa ang pagbakuna para sa mga yara sa A4 category sa probinsya.
Ini suno kay Provincial Administrator Rayfrando Diaz nga nagsiling nga indi pa maka panaog sa A4 natungod nga ang target nga mabakunahan sa A1 tubtob A3 category.
Ang wala pa malambot. Wala labot diri, nagasalig man lamang ang probinsya sa supply sang bakuna nga mahatag sang national government.
Sa datus sang Provincial Health Office sang nagligad nga semana yara pa lamang sa 76 percent ang nabakunahan sa mga medical frontliners ukon yara sa A1 category.
Ang deadline sang DOH nga dapat malambot ang 90 percent nga mabakunahan sa July 19.
Suno kay Diaz madamo man sa mga yara sa A4 category ang luyag na nga magpabakuna man kuntani. Mga essential workers lakip na uniformed personnel ang yara sa A4 category.
Samtang, subong nga adlaw, wala anay nagdul-ong sang bakuna sa mga LGU ang probinsya magluwas na lamang sa ginpatigayon nga vaccination sa Negros Residences.