Ginatutukan karon sang probinsya ang ginapaabot nga National Vaccination Drive nga gintalana sa sini nga Pebrero 10 tubtob 11.
Suno kay Governor Eugenio Jose Lacson, ini na ang iya nga gina patutukan sa kay Provincial Administrator Rayfrando Diaz nga mahandaan.
“Ang focus right now naton for the province is really for the next national vaccination rollout. I’ve instructed Atty. Diaz to make sure that we can maintain that status of being the first sa region”, suno kay Lacson.
Ginsiling ni Lacson nga daku ang bulig sang pagpatigayon sini, kasubong sa nagligad kun sa diin madamo ang nalab-ot nga nabakunahan sa target sang probinsya.
Mga 60 percent sang 1.8 million nga target sang Negros Occidental, base sa ulihi nga report nga na release sang Provincial Health Office ang fully vaccinated.
Samtang, indi pa masiling nga naga panaog na ang Covid–19 cases sang Negros Occidental suno kay Lacson. 75 ang new cases sa February 7 nga report sang Provincial Incident Management Team. 3,455 ang active cases.
Naga pati ang gobernador nga sa sitwasyon mahimo nga magapabilin sa alert level 3 tubtob katapusan sang Pebrero ang Negros Occidental.