Nagreport sini nga adlaw ang bag-o nga pamuno sang Comelec-Negros Occidental.
Ang pagpungko ni Atty Ian Lee Ananoria bilang acting provincial elections supervisor ang nabase sa ginpapanaog nga memorandum sang Comelec Regional Office nga naga take effect sumugod subong nga adlaw.
Gikan sa Comelec – Antique si Ananoria kun sa diin siya ang nagserbe man bilang acting elections supervisor.
Balik naman bilang elections officer sang Victorias City si Atty Fatima Aspan nga nagserbe nga acting elections supervisor sang Comelec Negros Occidental. Si Aspan ang damlag pa gina pa inhibit ni Mayor Evelio Leonardia sang nag serbe man ini bilang acting elections officer sang Bacolod.
Suno sa alkalde ang pagdagsa sang mga transferee-registrants sa Comelec – Bacolod sang tion sang pagpungko ni Aspan nag tuga sang palamangkutanon sa integridad sini. Pero suno kay Aspan, ang pagbalik sa iya sa Comelec – Victorias kabahin sang regular nga reshuffling sang Comelec personnel.
Suno naman kay Ananoria, siya ang nag-apply sa amo nga position kasunod sang retirement ni anay provincial elections supervisor, Atty Jessie Suarez.