100 million pesos nga balor sang Center For Emerging and Re-Emerging Infectious Diseases building sa Teresita Lopez Jalandoni Provincial Hospital sa siudad sang silay ang iga tukod.
Isa ka groundbreaking ceremony ang ginsakdag kaina, sa pagpamuno ni Negros Occidental Governor Eugenio Jose Lacson kag Third District Congressman Francisco Benitez kag lokal nga opisyales.
Sa mensahe ni Governor Lacson, ang pag patukod sang amo nga building ang magatugot sa health care system nga dungan pero separado nga mag serbe sa mga naga batyag sang makalalaton kag indi makalalaton nga masakit.
50 million ang gikan sa pondo sang Negros Occidental kag 50 million naman ang gikans a DOH health facilities enhancement program paagi sa talatan ni Senator Bong Go nga chairman sang health committee.
Sa pihak nga bahin, ginbisita man ni Lacson ang oxygen plant nga yara man sa compound sang amo nga ospital. Sini lamang, nagdugang bakal ang probinsya sang oxygen gikan sa supplier sini bangud sang nagakaubos nga supply sa matag-adlaw tuga man sang pagsaka sang kaso sang Covid-19.