Shadow

Negros Occidental balik sa daan nga travel protocol

Capitol file photo

Matapos nga wala gintugutan sang dilg ang pagpatuman sang mandatory swabbing sa tagsa ka naga abot sa airport kag seaport sang Negros Occidental, nagbalik anay sa daan nga protocol.

Suno kay Negros Occidental Governor Eugenio Jose Lacson, mangin voluntary anay ang swabbing sa mga maga abot samtang wala pa sang sabat ang national Inter Agency Task Force sa appeal sang probinsya angut sa gin pa gwa nga EO nga naga himo sang swabbing sa mga maga abot sa Negros Occidental nga mandatory.

Pero sa karon, gin aprobahan sang IATF ang moratorium sa biyahe padulong sa Western Visayas gikan sa mga lugar nga sakop sang NCR plus, Cebu City kag Davao City tubtob Abril 10. Pero ang mga gikan sa Negros Oriental sarang makasulod sa Occidental basta sila ang nag negatibo sa virus kag may S-Pass permit kag StaySafe registration.

Sa pihak nga bahin, full force sa gihapon ang workforce sang negros occidental. Sa EO ni Mayor Evelio Leonardia ginhinyo sini nga kun mahimo kasunod sang pagsaka sang kaso sang COVID-19, himuon nga 30 percent ang workforce nga naga duty sa pribado man ukon gobyerno nga opisina.

Tun an pa ini suno kay lacson sa bahin sang Kapitolyo.

Pero yara naman sa tagsa ka LGU suno kay Lacson ang pag assess sa ila nga mga sitwasyon.

Leave a Reply

Your email address will not be published. Required fields are marked *

Secured By miniOrangeSecured By miniOrange