Negros Jobs Online Portal ang ginlunsar.
Ini ang programa sang Negros Occidental nga naga tuyo sa pag connect sang mga naga pangita trabaho ukon job seekers sa mga employers.
Suno kay Provincial Administrator Rayfrando Diaz, ini ang gina pamunuan sang Provincial Public Employment Service Office sa idalom ni Karen Dinsay ang PESO Manager in partnership sa Department of Labor and Employment.
Paagi sa Negros Jobs Online Portal, ma match ang mga employers sa mga gina pangita nila nga empleyado, kasubong man ma match ang mga skills sang empleyado sa obra nga santo sa ila.
Madugay man nga gin trabaho ini bangud ginsanto pa ang mga IT requirements sa labor kag legal requirements.
Dugang pa ni Diaz, seryoso ang probinsya sa pag paayo pa gid sang human resources sini.*