Probinsya sang Negros Occidental ang isa sa 65 ka mga probinsya nga suno sa PAGASA mahimo mag eksperiensya sang drought sa 2024 bangud sang El Nino phenomenon.
Sa Provincial Disaster Risk Reduction Management Council meeting kahapon gintalakay ang mga contingency measures.
Suno kay Irene Bel Plotena, sa datus sang Pagasa mahimo ma eksperiensyahan sang probinsya ang dry spell sa bulan sang Pebrero, Marso kag Abril.
Sa report sang Office of the Provincial Agriculturist may mga areas na nga gina lantaw mahimo ma igo sang El Nino suno kay Plotena.
Halos kada banwa kag siudad sa Negros may mga barangay nga na monitor nga mahimo ma apektuhan sang dry spell.
Gani indi lamang ang sa Sur sang probinsya nga sadto ang maid-id nga gina tutukan kundi ang bilog nga Negros Occidental labi na ang mga may humay sa fourth district.
Damlag pa ginsiling sang PAGASA nga sa pila ka bahin sang pungsod nabatyagan na ang dry spell bangud sang pag ninit na sang ulan.
Sa probinsya wala pa ini nabatyagan bangud man sang pag ulan dala sang malain nga panahon.
“The whole province might be affected kay kada banwa may ara sang na identify nga barangays ang aton OPA nga basi ma apektuhan, particularly nga rice ang ila nga primary product”, suno kay Plotena.