Sa Earth Day post sang anay first lady sang pungsod Amerika nga si Michelle Obama iya ginsiling nga may 5 ka mga huben nga mga kababainhan nga naga kampanya para sa climate justice ang dapat kilalahon.
Isa diri ang residente sang Barangay Bulata sa Cauayan nga si Carmela Ellaga.
Si Ellaga ang community facilitator sang Philippine Reef and Rainforest Conservation Foundation.
Kabahin siya sang #MoreFishNotPlastic kag “wala usik”, mga kampanya nga naga haylo sa komunidad nga likawan ang pag gamit sang plastic.
May mga gintukod na sila nga mga stores nga wala naga gamit sang plastic.
Bilang isa ka residente nga naga puyo mismo sa higad sang baybay nakahibalo siya kun ano ka importante sang baybayon sa mga tawo nga naga salig sang ila nga mga palangabuhian diri.
Gani nangin passion niya na ang pagpa hangop sa publiko nga pangapinan ang mga baybayon.
Subong, long term kag sustainable plans ang ila ginahimo para ma preserve ang baybayon sang Cuayan, Sipalay kag Hinoba-an.