Shadow

Negrense coach ang sa likod sang kadalag-an sang Pinoy Olympic boxing medalists

YouTube player

1996 sang masaksihan ni Olympic boxing Coach Nolito Velasco ang kadalag-an sang iya manghud nga si Mansueto “Onyok” Velasco nga nangin silver medalist sa boxing event sa Atlanta Summer Olympics.

Gani sa pagsambua naman ni silver medalist Neshty Petecio sa womens boxing event sa Tokyo Olympics daw nangin flashback sa iya ang tanan samtang nagatan-aw sa ringside.

Si Petecio ang nahauna nga Pinay boxing Olympic medalist.

Si Nolito nga utod man sang boksidor nga si bronze medalist Roel Velasco sa 1992 Barcelona Olympics amo man karon ang coach sa kadalag-an nanday carlo paalam nga natalana magasambua para naman sa flyweight semifinal sa Tokyo Olympics.

Balantayan man ang hampang sang isa pa niya ka boksidor nga si Eumir Marcial sa middleweight semifinal sa Olympics.

Si Nolito kag ang kaupod niya nga boxing coach kag anay Olympian nga si Reynaldo Galido ang lunsay ginapabugal kag ginadayaw sang siudad sang bago sa bugal nga ila man napalab-ot indi lang sa siudad kundi pati na sa patag sang international competition.

Anay palaro boxer man si Nolito nga naghandum nga mag-represent sa pungsod sa Olympics. Bisan wala man niya malab-ot ang iya nangin handum, tiglumapaw naman ang bugal kag kalipay nga iya nabatyagan para sa mga atleta nga nagtuman sang iya ginahandum nga mga kadalag-an.

Secured By miniOrangeSecured By miniOrange