Patay ang negosyante nga si Jun Alaba matapos maigo sang bala sa tiyan, sang gintiro sa bangga Lima, Barangay Villamonte, syudad sang Bacolod Lunes sang hapon.
Ginkilala naman ang suspetsado sa kay Ronel Rafael, 34 anyos kag residente sang General Luna, banwa sang Toboso.
Sa imbestigasyon sang PNP, si Alaba ang nagamaneho sang iya Isuzu MUX kag sang paglab-ot sa lugar sang insidente, naglalisay sila ni Rafael nga naga pungko sa front seat.
Hinali na lang nga nag gabot sang pusil ang suspetsado kag gintiro ang biktima.
Narecover sa sulod sang salakyan ang isa ka naglupok na nga bala, duha pa gid ka mga bala kag sa kahilamunan na nakit-an ang pusil.
Suno kay Police Captain Francis Depasucat, hepe sang Police station 4 nag alegar ang bodyguard nga may nagtinghua nga magtiro sa iya nga amo gikan sa gwa sang salakyan kag naka balos siya tiro.
Ugaling dako nga palamangkutanon sa PNP kun ngaa wala sang may na recover nga bala sa gwa sang salkyan kag ara lang sa sulod sang salakyan.
Dugang pa sang PNP, pagpahulam sang kwarta ang negosyo sang biktima kag bag-o lang sila tapos withdraw sang kwarta sa bangko.
Natalana nga ipaidalom sa paraffin test si Rafael nga ginakabig karon nga primary suspect kag detained sa custodial facility sang Police Station 4.