Negosyante nagpahayag nga bukas siya sa himuon nga imbestigasyon angut sa masobra isa ka libo nga sako sang abono nga nadula sa sulod sang ginapanag iyahan niya nga propiedad sa Himamaylan City.
Suno kay Ian Canson libre nga iya ginpagamit ang iya propiedad para mabilinan sang supply sang abono sang siudad humalin pa sang nagligad nga tuig.
Marso sang iya ginpaarkilahan ang compound sa pribado nga komboyahan kag sang amo nga bulan wala na didto suno sa iya ang mga abono.
Nagligad lang nga semana sang nahul an ang mga farmer beneficiaries sang natalupangdan nga wala na ang mga libre nga abono gikan sa Department of Agriculture.
Gani nagtukod naman sang fact finding team si Mayor Raymund Tongson agud mapat ud kun diin nagkadto ang mga abono.
Ginsiling sang alkalde nga may duha sila ka compound nga ginbilinan sang abono para sa natukod nga rice competitiveness enhancement fund programa sang siudad upod sa da.
Samtang nagapadayon ang imbestigasyon upod man sa Himamaylan City PNP, naghimu na sang tikang ang alkalde agud makakuha sang supply sang abono nga mapanagtag sa mga farmer beneficiaries.
Gina-abi abi naman ni canson ang mga ginapatuman karon nga fact-finding investigation angut sa gina-alegar nadula nga abono naga balor sa masobra uno puntos tres milyones pesos.