Shadow

Negosyante naga “pa buffet” sa mga layaw nga kuring kag ido

YouTube player

Sa baligyaan sang feeds ni Sheryn Cawit malapit sa Libertad Market sa Bacolod madamo ka may makita nga mga kuring. May mga naga libot, naga kaon, kag may yara pa sang mga bag-ong bun-ag nga kuring…

Ini sila ang nag istar na sa iya nga store bangud may pa buffet siya sang cat food kag dog food sa mga layaw nga kuring kag ido nga naga padulong sa iya nga store.

Istorya ni Sheryn, naluoy siya sa mga sapat nga wala sang may naga atipan kag gina gutom sa dalan gani gina pabay-an niya na lang sila kun mag kadto sila sa iya nga store kag magkaon. Kun kis-a ang pinaka mahal pa nga sahi sang catfood ukon dogfood ang ila nga gina pili.

Bangud sang iya unli catfood may trese na siya ka mga hinuptanan nga mga kuring, sang sini gid lamang ang duha sa ila ang gin adopt.

Nag trending ang iya nga store sa social media sang sini gid lamang bangud ginpost ini sang Bach PH Project nga isa ka NGO nga naga pangapin sa animal welfare.

Nakibot siya nga may mga bag-o na siya nga customer bangud nakilala siya pinaagi nag trending nga post.

Suno sa iya, may mga tiun pa nga gina tabog sang customer ang mga kuring sa iya nga baligya.

Suno kay Sheryn nangin maayo ang lakat sang iya negosyo sa sulod sang tatlo na ka tuig. Naga pati siya nga posible bangud ini sa iya nga maayo man nga pag tratar sa mga sapat.

Secured By miniOrangeSecured By miniOrange