Wala gin baton sang bangko ang isa ka libo ka pesos nga benta sang isa ka negosyante sa Dumaguete City matapos nga matukiban nga peke ang bill nga iya sini nabaton gikan sa iya benta sa iya tyangge.
Suno kay Cesar Raymundo nga naka upod sang biktima sa bangko, wala mahibaluan sang negosyante nga peke ang ila gina uyatan nga kwarta bangud sa halos pareho lang ini sa original na 1000 peso bill.
Ila pa ini gin reklamo sa manager apang indi gid mabaton bangud sa peke ang bill nga masami palareho lang ang serial number.
Suno naman sa PIO sang Negros Oriental Police Provincial Office, ila ini usisaon nga kaso agud matapna man ang gilayon ang paglapta pa sang peke nga kwarta. Ginpahayag man sang NORPPO nga ila ini gina tutokan ilabi na nga holiday season kag masami nga naga pamakal ang mga pumuluyo.