Shadow

Negosyante na scam sang nagpakilala pulitiko

Photo from MyLa Carlota FB

Gin share sang La Carlota Police Station ang gin post sang official Facebook account sang La Carlota City nga MyLa Carlota, ang natabo nga pag scam sa isa ka negosyante gikan sa nag pa kuno kuno customer nga opisyal sang siudad.

Sandig sa post, gin deliver sang negosyante sa city hall ang 8,000 pesos nga balor sang pagkaon kag mga milktea bangud may nag tawag kag nag order suno sa iya nga nag pakilala opisyal sang siudad
Kag ginpa deliver ang mga pagkaon.

Pero sang mag abot na sa city hall, iya na diskubrehan nga siya ang gin scam lang bangud sa wala man sang kun sin-o nga opisyal ang nag tawag sa iya.

Indi naman matawgan sang biktima ang numero sang nag order sa iya nga Tagalog speaking pa.

Si Mayor Rex Jalandoon na lang ang nag bayad sa mga orders suno sa PNP.

Gin paandaman sang siudad ang mga tag iya sang kalan-an ilabi na ang may mga delivery services nga mag halong sa mga scammer kag i check gid anay sa natungdan ilabi na kun naga pakilala nga opsiyal.

Secured By miniOrangeSecured By miniOrange