Nabalaka ang Sangguniang Panlalawigan sang Negros Occidental sa pag ban sang Estados Unidos sang blue swimming crabs nga gikan sa Pilipinas.
Gina panawagan sa karon sang SP sa Department of Agriculture paagi sa Bureau of Fisheries and Aquatic Resources, Department of Environment and Natural Resources kag iban pa gid nga national agencies nga mag patuman sang tikang para tigayon mabalik ang market access. Gina duso man ang pag pabakod sang fisheries compliance programs.
Ini sa tuyo nga mapangapinan ang palangabuhian sang linibo ka mga mangingisda, mga crab pickers kag industry workers nga naga salig sa ila nga palamugnan diri.
Ini tanan paagi sa resolution nga gin-sponsor ni Atty Hope Marey Depasucat kag unanimously seconded sang konseho.
Suno sa resolution ang baybayon sa Western Visayas ang naga contribute sang mga 51 percent sang blue swimmming crab production sa bilog nga pungsod kag nalakip na diri ang Negros Occidental.
June 11, nag sira ang US Market sa blue swimming crab sang Pilipinas bangud sang kapaslawan sang pungsod sa pag comply sa marine mammal conservation and fisheries monitoring requirements sang Estados Unidos.
90 porsiento sa gina export nga blue swimming crabs sang pungsod ang para sa US market.
Gina hinyo sang SP ang Provincial Agriculture Office, Provincial Environment Management Office, kag Provincial Fisheries and Aquatic Resources Management Council (PFARMC) sa pag convene sang consultation para ma assess ang impact sang market closure kag maka dihon sang mga recommendation.
Samtang, isa ka video sang mga deaf crab pickers sang Saravia Blue Crab Inc ang naga hinyo kay Presidente Ferdinand Marcos sang immediate intervention para indi man sila madulaan sang trabaho karon nga nag-untat na operate ang mga processing plant.*
[sibwp_form id=1]