Dengue death sa probinsya ang nadugangan sang isa.
Sa report sang Provincial Health Office as of August 16, nagdangat na sa siyam ang dengue deaths sa Negros Occidental.
Ang dengue cases naman 4,093. Kun ipaangid sa kasubong nga tion sang 2024, 28.91 percent ini nga mas mataas.
Yara sa 11 to 20 years old nga age group ang pinakadamo sa mga apektado sang dengue.
May pinaka madamo nga dengue cases sa siudad sang Bago – 965 nga may isa ka patay.
Sunod naman ang La Carlota City nga may 391 cases, Kabankalan City nga may 371 cases, San Carlos City, 214 cases nga may isa ka patay kag Isabela nga may 171 cases kag duha ang patay .
Padayon ang pag duso sang PHO sa mga komunidad nga mag mangin matinlo sa palibot para malikawan ang balatian nga dala sang lamok.