Dala sang malain nga panahon gina pa baskog sang probinsya ang monitoring sa epekto sang Tropical Storm “ENTENG” kag Southwest Monsoon.
Sa memorandum nga gin pa gwa kaina, naga pabalin sa blue alert ang Emergency Operations Center sang probinsya.
Nagakasayarun suno kay Irene Bel Plotena ang pamuno sang PDRRMO nga yara sila sa heightened alert kag naka standby ang mga resources sa posible deployment kun kinahanglan.
Gina abisuhan man ang mga natungdan nga talatapan kag ahensya, mga C/MDRRMOs nga mag padayon sa pag monitor kag mag patuman sang preemptive evacuation kun kinahanglanon.
Paathag ni Plotena, damlag pa yara na nga daan sa blue alert ang probinsya bangud sang status sang Bulkan Kanlaon.
Kalabanan sa mga LGU suno kay Plotena may yara sang magal-umon nga kalangitan kag may pagtupa sang light to moderate rains. Wala sang gin report nga pag baha.
Samtang, may suspension of classes man nga gin mando ang pila ka mga LGU sa probinsya dala sang pag-ulan, pasalig sang Department of Education nga padayon ang pagtuon sang mga kabataan paagi sa alternative mode of learning.