Target ni Negros Occidental Governor Eugenio Jose Lacson nga magsaka sa 6 metric tons ang tigayon nga ma produce nga palay ukon ang rice yield sa kada ektariya sa iya nga pagtapos sang iya nga termino.
Sa State of the Province Address kahapon ni Governor Lacson nga gin-deliver sang Sangguniang Panlalawigan session, iya gin-report nga na record sang probinsya ang pinaka mataas nga average rice yield sa 4 metric tons kada ektariya sang 2023 sa Region 6 kag naga pabilin ang probinsya nga second top-performing rice producer sa Western Visayas.
Gina paabot ang pag pa re-elect ni Lacson para sa iya third and final term kag iya ginsiling nga antes ini matapos luyag niya nga malab-ot ang 6 metric tons per hectare nga rice yield.
Ini man ang iya nga nangin hangkat sa mga rice farmers nga nagbaton kaina sang 1.7 million pesos nga balor sang Lulo irrigation project nga ginapaabot maga benepisyo sang mga 34 ka ektariya sang talamnan.
Naga average sila sa karon sang 3.75 tons per hectare kag suno sa gobernador ila nga gina baton ang iya nga pagpanghangkat.
Sa SOPA ginsiling sang gobernador nga yara sa 84.08 percent ang rice sufficiency level.