Probinsya sang Negros Occidental ang nagahulat sa karon sang specific design kag program of works nga iga submit sang banwa sang La Castellana para sa permanent relocation sang yadtong naga puyo sa 4 kilometer permanent danger zone.
Ini suno kay Provincial Administrator Rayfrando Diaz nga nag siling nga may 14 million pesos nga ginpain ang probinsya gikan sa 50 million pesos nga pondo nga gin-release sang Malacanang.
Suno kay Diaz, luyag sang probinsya nga mapat-od kun para sa ano na partenesar sang La Castellana LGU ang 14 million pesos.
Gina paabot ni Diaz nga maka sugilanon ang Municipal Engineer.
Wala labot diri luyag man sang probinsya nga maka kuha sang clearance gikan sa Office of the Civil Defense kag Phivolcs bahin sa site nga gina propose sang LGU sa Brgy Manghanoy para mapasiguro nga wala sang problema ang area sa ano man nga volcanic activity nga mag luntad.
Gikan sa 50 million pesos nga pondo nag pain man sang 3.5 million para sa relocation site sang Bago sa mga na displace tuga sang bulkan Kanlaon.
Kag suno kay Diaz ini ang na gamit na sang siudad.