Probinsya sang Negros Occidental ang nag-record sang isa ka dugang nga dengue death.
Sa datus sang Provincial Health Office, nagdangat na sa walo ang dengue deaths sa probinsya humalin Enero tubtob August 2, 2025.
May 3,813 ka dengue case nga na record sa amo nga period.
Kun ipaanggid sa kasubong nga tion sang 2024, 62.46 percent ini nga mas mataas.
Naga pabilin ang siudad sang Bago sa mga local government units nga may pinaka madamo nga reported dengue cases – 898. Isa ang dengue death sang Bago.
Naga sunod naman ang La Carlota City nga may 382 cases.
Padayon ang panawagan sang PHO sa publiko nga mag mangin matinlo sa palibot agudto malikawan ang balatian nga dala sang lamok.