Probinsya sang Negros Occidental nag-record sang 137 ka leptospirosis cases humalin sang Enero tubtob Setyembre 20 sini nga tuig.
Walo diri ang nagkalamatay.
Ang Bago City ang may pinaka madamo nga na record nga kaso sang leptospirosis 17, naga sunod ang Cadiz City, San Carlos City, Silay City kag Kabankalan City nga may tig 9 ka mga kaso.
Karon nga may mga pag baha dala sang mabunok nga ulan, suno kay Dr Girlie Pinongan ang Provincial Health Officer, wala man sila sang may na monitor nga pag saka ukon pag timbuok sa kaso sang leptospirosis.
Pero sa gihapon sila ang wala naga untat sa pag abiso sa mga pumuluyo nga kun wala malikawan naka ubog sa tubig baha mag padulong sa mga health center kag mag pangayo sang bulong para malikawan ang balatian nga dala sang higko sang ilaga.
Suno kay Pinongan ang mga rescuers ang ila na nga daan gina hatagan sang prophylaxis para mangin safe man sila samtang naga patuman sang ila nga trabaho.