Mataas ang voter turn-out sa Negros Island Region.
Sa datus nga gin pa gwa ni Atty Jossil Macute ang Assistant Regional Director sang COMELEC Negros Island Region, 83.22 percent ang Voter turn-out sa Negros Occidental. Ukon 1,369,632 ang nag gwa para mag boto. Sa Negros Oriental naman, 85.23 percent ukon 831,963 ang nagboto. Sa Siquijor naman ang may pinaka mataas, 91.84 percent, ukon 74,758 ang nag boto.
Samtang, nahanda na sang COMELEC ang mga ballot boxes nga paga dal-on sa Manila para sa Random Manual Audit. Resulta sang 18 ka mga presinto gikan sa Negros Occidental kag tatlo naman ka presinto gikan sa Bacolod ang iga subject sa Random Manual Audit. 15 naman ang gikan sa Negros Oriental. Ang random manual audit maga pat-od kun bala may discrepancies ukon wala sa resulta sang automated elections. Bangud nga mano-mano ang pag-isip magalawig ini sang mahimo isa ka bulan suno kay Macute ini. Patigayunon ini sa bilog nga Pilipinas.