Opisyal nga nagbukas subong nga adlaw ang Renewable Energy Week Expo 2025. Magalawig ini sang tatlo ka adlaw.
Nasalida sa SMX Convention Center ang mga exhibit, naka line-up man ang mga forum kag workshop nga naga tib-ong sang mga renewable energy solutions.
Dinapit nga bisita si Department of Energy USec Felix William Fuentebella. Sa iya nga keynote speech iya ginsiling nga naka position ang Negros Occidental sa pag pamuno sang transition para sa Renewable Energy. Indi lamang bahin sa political will kag active nga community support ang yara sa probinsya kundi pati na ang bugana sa renewable energy resources. Suno sa iya sa karon ang Negros Occidental may 52 ka Renewable Energy projects sa nag kalain lain nga mga stages of development kun sa diin ang combined potential capacity sini maga dangat sa 13,208 megawatts. May yara sang solar power, hydro power, geothermal power kag wind energy potential ang Negros Occidental.
Ginsiling naman ni Governor Eugenio Jose Lacson nga ang gina paabot sang probinsya amo nga ang tagsa ka Negrense tigayon maka angkon sang Renewable, Reliable, Accessible, Affordable kag Sustainable Energy. Ginapabugal niya man nga kaupod sa iban nga local government units gin adopt sang probinsya ang solar PV solutions kag ang goal amo nga ang tanan nga LGU ma “solarize” sa masunod nga tatlo ka tuig.
Richard Malihan photo