Tigayon na nga nagbayad ang probinsya sang masobra sa 11 milyones pesos bilang danyos sa Sugarland Hotel.
Kahapon ginkuha sang court sheriff ang tseke nga naga balor sang 11,160,500 pesos matapos man nag pahibalo ang probinsya nga handa na ang bayad.
Ang Negros Occidental kag Bacolod City LGU ang ginmanduan sang Korte Suprema nga magbayad sang danyos sa Sugarland Hotel sa demolition sang fourth floor sini sadtong 1994. Sa desisyon sang Korte Suprema ginsiling sini nga ang top floor sang amo nga hotel ang indi obstruction sa aerial navigation, nga amo sadto ang gina tudlo nga rason sa pagpatuman sang demolition.
Sa karon ginahulat na lamang sang probinsya suno kay Provincial Administrator
Rayfrando Diaz ang issuance sang return of service of writ of execution nga nagapahayag nga tigayon na nga comply sang gobyerno probinsyal ang desisyon nga ginpapanaog sang korte.
Samtang, sa bahin naman sang siudad sang Bacolod, ginpahayag damlag pa sang LGU nga maga bayad man ini. Mga 13 milyones pesos ang balayran sang siudad.