Probinsya sang Negros Occidental ang may pinaka mataas sa gihapon nga na-record nga fireworks related injuries sa Western Visayas.
Sa datus nga gin-release sang Department of Health Western Visayas CHD humalin December 21, 2023 tubtob January 6, 2024 nga monitoring, gikan sa sentinal kag non-sentinel sites, 103 ang na record nga fireworks related injuries sa Negros Occidental.
Sa amo man nga datus ang Iloilo Province ang may yara sang 97 cases, Aklan 33 cases, Antique kag Capiz pareho nga may 19 cases Iloilo City 11 cases, Bacolod City 9 cases kag Guimaras 3 cases.
Suno kay Dr Girlie Pinongan ang Provincial Health Officer, kun ipaangid sa nagligad nga tuig nga monitoring mas nagdamo ang kaso subong.
Sadto 72 cases ang na record sa probinsya kag pinakamataas man sa Western Visayas. Paathag ni Pinongan, apesar sang kampanya, wala nakapaiway sa pagpalupok kag mas may ligwa pa gid karon bangud wala na sang restrictions.
May duha pa ka amputation nga na-record ang Negros Occidental.
“Subong ya mas open na gid. Wala na restrictions as compared to last year. Subong ang mga tawo ya indi na mamati, tig-a ulo nga maski despite sang aton advisory”, suno kay Pinongan, Sa kinaandan ang pagsaka sang kaso ang pagkatapos na sang selebrasyon.
Panglima naman ang Western Visayas sa may kadamuon sang kaso sa 17 ka rehiyon sa pungsod suno sa DOH Western Visayas.