Nadugangan sang isa pa gid ka kumpirmado nga kaso sang Pertussis ang Negros Occidental.
Nag pa gwa naman sang joint public health advisory sa pertussis ang Bacolod kag ang probinsya.
As of April 8, may duha na ka kaso sang pertussis ang Negros Occidental suno kay Dr Girlie Pinongan, ang Provincial Health Officer. 23 naman ang suspected pertussis cases. Isa ka duha ka bulan nga lapsag nga lalaki ang ika duha nga kaso. Ang una isa ka duha ka bulan nga lapsag nga babaye nga karon ang naka recover na. Sang nagligad nga semana ginsiling ni Pinongan nga ang mga suspected pertussis cases naga pang edaron gikan sa one month old tubtob sa 62 years old.
Sa joint health advisory nga gin lagdaan nanday Governor Eugenio Jose Lacson kag Mayor Albee Benitez, gina abisuhan ang publiko sa nagasaka nga kaso sang confirmed kag probable pertussis. Labing maka lalaton ang balatian kag makalaton paagi sa droplet infection kag sarang nga maka apekto sa 90 percent sang ginakabig non-immune household contacts. Kalabanan nga naga ka apektuhan mga lapsag 6 months paidalom. Malikawan ini paagi sa pag observe sang cough etiquette ukon mag panabon sang tissue kun mag ubo, proper hand hygiene, pag gamit sang mask sa mga magutok nga lugar kag mag paidalom sa catch-up vaccination ukon booster kun kinahanglan. Ang mga ginikanan ginahaylo nga pabakunahan ang ila lapgsa sa mga health center. Mga health facilities naman ang gina haylo nga mag butang sang fastlane para sa respiratory kag influenza related illnesses.