60 diyas nga suspension sang rice importation sumugod Setyembre ang labing gina abi-abi. Negros Occidental ang may yara sang 86 percent nga rice sufficiency.
Suno kay Agriculture Regional Director, Engr Jose Albert Barrogo, sarang ang local supply maka puno sang kinahanglanon sang probinsya. Kay indi man 100 percent ang rice sufficiency sang Negros Occidental ang kulang ang pun-an sang supply gikan sa isla sang Panay.
Ini naman gid nga daan ang nagakatabo sa karon suno kay Barrogo. Dugang pa ni Barrogo ang bulan sang Setyembre tig-ani na. Ang iban sa katapusan sang Agosto naga sugod na ani gani may supply.
Tuyo sang pag suspend sang rice importation amo nga mahatagan sang alibyo ang mga rice farmers. Sa karon yara sa 13 to 14 pesos ang baklanay sang palay sa kada kilo.
Suno sa Federation of Irrigators Association Central Negros – Bago River Irrigation System president, Pedro Limpangog, 13 pesos ang ila nga capital. Gani naga hinyo sila sang bulig.
Suno kay Barrogo ang Negros Oriental kag Siquijor ang may manubo nga rice production.
“May supply kita nga kuhaan. Then usually ang kakulangan naton we can get from the Panay Island which is amo gid man na ang commodity flow naton, nga some of our rice supply are coming from Panay Island. Sad to note ang Oriental naton amo ang medyo affected kag ang Siquijor kay they are all dependent gid ya in terms sang supply sang bugas”, suno kay Barrogo.