19 ang suspected pertussis cases sang Negros Occidental kag nagapabilin nga isa ang kumpirmado nga kaso. Ini suno kay Provincial Health Officer, Dr Girlie Pinongan nga nagsiling nga ang mga suspected cases yara sa one month old tubtob sa 62 years old nga pang edaron. Pito diri ang na admit pero suno kay Pinongan ang iban sa ila ang na discharge naman. Ang nabilin yara sa home isolation. Padayon nga gina hulat ang resulta sang specimen nga ginpadala sang PHO sa Research Institute for Tropical Medicine para mapat-od kun pertussis gid man ang natungdan nga mga kaso. Damlag pa nag paandam na si Governor Eugenio Jose Lacson sa publiko nga mag halong kag mas maayo nga mapangapinan man ang kaugalingon paagi sa pag gamit sang face mask labi na sa mga lugar nga may madamo sang tawo.
“Ang iban home isolation na lang. Na konsulta, natagaan sang treatment, tapos gin pang isolate lang sa ila nga area. May ara kita daw mga 7 nga admitted nga cases ara sa different hospital. Ang iban discharged naman”, suno kay Pinongan.