Probinsya sang Negros Occidental kag Bacolod City naka record sang 43 deaths tuga sang leptospirosis.
Ini base sa datus nga gin pa gwa sang Department of Health 6, humalin sang bulan sang Enero tubtob Disyembre 3 sini nga tuig.
34 ang napatay bangud sang leptospirosis sa probinsya. 225 naman ang na record nga kaso. Kun ipaanggid sa nagligad nga tuig sa kasubong nga tion 221 percent ini nga mas mataas.
Ang Bacolod naman sa amo nga period may 9 ka na record leptopirosis deaths. 41 naman ang na record nga kabilugan nga kaso.
Ang Western Visayas sa kabilugan may 81 deaths nga na report kag ang probinsya ang may pinaka ma taas nga recorded deaths.
596 ang kabilugan nga leptospirosis cases sa Western Visayas, pinaka mataas man sa gihapon ang Negros Occidental.
Suno kay Provincial Health Officer, Dr Ernell Tumimbang, masami sa pag ubog sa baha labi na sa malawig nga tion naga ka kuha ang leptospirosis.
Naga agi ang bacteria sa panit ayhan paagi sa pilas.