Bukas nga gina baton sang probinsya ang desisyon sang Department of Education nga pag award sa Cebu City nga maga host sang Palarong Pambansa 2024.
Mismo sa closing ceremony sang Palarong Pambansa 2023, gin-announce ni DepEd Secretary kag Vice President Sara Duterte nga ang Cebu City ang maga host.
Suno kay Provincial Administrator Rayfrando Diaz, kun ano man ang nangin desisyon sang pamunuan ini ang para sa kaayuhan sang Palarong Pambansa.
Isa man sa gin pamangkot sang tion sang bidding para sa Palarong Pambansa 2024 ang peace ang order situation sa probinsya labi na ang bahin sa engkwentrohanay sang Army kag NPA, bagay nga suno kay Diaz mismo ang pamunuan sang militar kag PNP ang nagpasalig nga wala sang problema.
“Governor Bong already mentioned there’s no time to feel sorry. We’ll just have to wait for our turn and do our best”, suno kay Diaz.
Wala man nangin madinalag-on, maga padayon suno kay Diaz ang pagpaayo sang Panaad Park and Stadium.
Nalakip ini sa mga tinutuyo sang probinsya nga mangin primary training area para sa mga atleta sang Negros Occidental.
Ginapaabot man ang pag tuga sang athlete’s village.