Ang Bids and Awards Committee ang nag pag gwa na sang resolution nga naga deklarar sang failure of bidding angut sa 1.2 billion pesos nga bulk water project sang probinsya.
Ini suno kay Negros Occidental Governor Eugenio Jose Lacson nga nagsiling man nga ang amo nga resolution ang na serbe naman sa lone bidder nga consortium sang First Balfour Inc., Victorias Milling Company kag FPIP Utilities Inc., sadto pang Mayo 16.
Paathag ni Lacson, ang issue diri ang mahal nga taripa sa tubig.
P24 per cubic meter ang gina tanyag, mahal sang sa ginapaabot suno sa gobernador.
Karon sila ang naga pangita na sang pamaagi agudto mahatagan sang kalubaran ini.
Gina lauman nga antes magtakop ang tuig tigayon nga maka rebidding kasubong man ma award ang proyekto.
Bangud sang delay apektado man ang timeline suno kay Lacson. Ginalauman nga ang bulk water project nga gina kabig isa sa mga priority projects sang Lacson Administration ang mahuman antes magtapos ang gobernador sang iya nga termino.
Ini ang gina lantaw sabat sa problema kag kakulang sa matinlo kag potable water sa Negros Occidental.