May masobra pa sa 20,000 ka mga kabataan ang lalab-uton sang Negros Occidental para sa supplemental measles rubella vaccination.
Sa June 1 nga report sang Department of Health Region 6, 85.95 percent sa target ang nalab-ot sang Negros Occidental, pinaka mataas sa rehiyon.
Ang Bacolod City naman sa amo nga report ang may pinaka manubo nga accomplishment report – 61.87 percent.
Target sang DOH para may herd immunity amo nga makabakuna sang 95 percent sa population sang mga kabataan.
Gin-extend tubtob sa June 16 ang Chikiting Ligtas Campaign.
Ang Western Visayas ang may 77.15 percent nga accomplishment.
Sa Oral Polio Vaccine naman may 3,596 pa ka lalab-uton ang probinsya kag 28,174 naman para sa Bacolod City.