Negros Occidental ang maga re-bid para sa hosting sang Palarong Pambansa 2024.
Ini suno kay Negros Occidental Governor Eugenio Jose Lacson matapos sila ang gin-abisuhan nga mag re-bid para sa hosting sang Palarong Pambansa 2024 sandig sa Palarong Pambansa Memo No. 0123-005 nga napetsahan February 6, 2023.
Sa sulat sang gobernador kay Assistant Secretary Francis Cesar Bringas, nga Secretary General sang Palarong Pambansa, ginakilala sini nga bangud sang lapse sa panahon sang gin-award ang hosting sa probinsya sang Palarong Pambansa 2021 nga wala natigayon bangud sang pandemic kinahanglan sang Palarong Pambansa Board nga i rebid ini, gani naga pahibalo ang Negros Occidental sang intention sini nga mag rebid.
Nagpahibalo man suno sa kay Lacson ang Cebu nga interesado man ini sa pag host sang kumpetisyon. Ang 2023 Palarong Pambansa sini nga July 29 tubtob August 5, ang patigayunon sa Marikina City, tatlo man ka tuig ang nakaligad humalin sang ma cancel ang event bangud sang pandemic.
Bag-o lamang na inagurahan ang gin-renovate nga Panaad Park and Stadium Football Field and Track Oval sa Brgy. Mansilingan sa Bacolod City santo sa bag-o nagtapos nga Palarong Panlalawigan 2023.
Nagalaum ang gobernador nga ang bag-o nga track oval maga inspire sa mga atleta sa patag sang athletic running events kag maga haylo pa gid sa mga pamatan-on nga Negrosanon nga mag pakigbahin sa patag sang sports.