Ginsugdan na sang Regional Office sang National Bureau of Investigation ang pag pangusisa sa Intelligence Officer nga gin reklamo nag pamahog kag nag pakita sang iya armas sa isa ka restobar sa Bacolod City.
Suno kay NBI Bacolod Chief, Renoir Baldovino sang nagligad nga semana nag padulong na sa Bacolod ang katapo sang Regional Office sang NBI.
Padayon pa ang ila nga imbestigasyon batuk sa mga alegasyon sa Intel Officer nga si Janna Marie Navales.
Kun ano man ang resulta sang imbesitgasyon sang regional office suno kay Baldovino ini ang iga forward nila sa Internal Affairs Division sang NBI.
Sa karon on leave si Navales suno kay Baldovino.
Ginpangita ni Navales ang iya cellphone kag Jacket nga gina patihan nabilin sa restobar.
Nakuha sa cctv video ang iya nga pag pakita sang armas.
Natukiban sang ulihi nga ang iya mga ginapangita nabilin man lang sa talatapan sang NBI.
Naghinyo na damlag pa sang pasaylo si Navales sa tagadumalahan sang restobar lakip na sa mga staff.
“Pending pa rin ang investigation. Gagawa ng report yung region namin. Then based on the report, maybe pwedeng mag Imbestiga ang Internal Affairs Division namin. Nauna yung region namin,” suno kay Baldovino.