Nagdangop sa NBI-Bacolod ang tag-iya sang poultry farm nga ginsunog sa Barangay Sagasa sa Bago City.
Suno hepe sang Bago City PNP nga si PLtCol. Jay Malong, nakig angut na sa ila ang NBI-Bacolod para magpangayo sang blotter report kag iban pa nga mga ebidensya nga nakuha sang Bago PNP para sa ila himu-on nga imbestigasyon.
Gin-alegar sang caretaker kag mga trabahante sang poultry farm nga gin panggapos sila sang mga armado nga mga persona antes gin sunog ang poultry.
Gin-alegar man sang caretaker kag utod sang tag-iya sang Poultry Farm nga gin kuha man sang mga armado ang ila P15K pesos nga kwarta lakip sang isa ka .45 caliber pistol.
Nakabaton sang sulat ang mga biktima gikan sa nagpakilala nga “Ka Dodong” kag “Ka Badong” nga nagapangabay sang ila nga kooperasyon kag nagapangayo ang mga ini sang suporta para sa Masa.
Nagapati ang PNP nga indi rebelde nga grupo ang nagsunog sang poultry kay madugay na nga wala sang NPA sa area kag posible gingamit lang ang rebelde nga grupo sa pagpamahog.