National Bureau of Investigation sa Bacolod ang maga lunsar sang Isumbong mo sa NBI may kaangtanan sa pag pangusisa nila sa flood control projects sa probinsya. Samtang, ginsiling naman sang mga District Engineers nga wala sang ghost project sa probinsya.
Suno kay Manuel Fayre, Jr. ang NBI Bacolod Chief, paagi sa messaging apps kaangay sang viber, messenger kag WatsApp pwede makahatag ang publiko sang impormasyon ukon feedback sa NBI may kaangtanan sa mga flood control projects sa probinsya nga gina usisa man nila sa karon.
Ang tanan nga District Engineers sang Department of Public Works and Highways sa anum ka mga mga distrito suno sa iya ang naka submit na sang gina pangayo nga dokumento sang NBI.
Subong yara na sila sa pag reconcile sa mga na submit nga dokumento sa mga dokumento man nga nakuha sang NBI.
Mangin madugay pa ang process suno kay Fayre labi na nga mauti kag damo ang buluhaton.
Kun mahuman na ini maga subpoena liwat ang NBI para naman sa submission sang geotagging sang mga lugar nga may yara sang nahuman na ukon gina patigayon pa nga flood control projects.
Suno kay Fayre ginsiling sang anum ka mga District Engineers nga wala sang ghost projects sa ila nga tagsa ka distrito. Pero suno sa iya ang matuod, mabudlay ang mag pangusisa sa kaangay sini.
Gani naga panawagan man sila sang bulig sang komunidad nga kun may ihibalo ipadangat sa atensyon sang NBI.