Duha pa gid ka outlet nga iligal nga naga pataya sang STL sa banwa sang Binalbagan kag Sipalay City ang gin operate sang National Bureau of Investigation sang Miyerkules.
Pero, suno kay NBI Bacolod Chief, Renoir Baldovino pag abot sang mga operatiba kahapon sa Vikings Peryahan ng bayan sa natungdan nga mga lugar, ini ang sirado na.
Agosto 6 sang ginpatigayon ang test bet, Agosto 8 naman ang surveillance kag sang Agosto 9 naga operate pa ang mga ini suno kay Baldovino. Isa sa mga ginalantaw nila nga mahimo may nag hatag na sang impormasyon rason nga nagsira ang mga outlet sang Miyerkules.
Nagapati man si Baldovino nga temporaryo lamang ang ginpatuman nga closure. Iga subpoena sang NBI ang mga tag-iya sang duta kag sang building para mauisasa. Sandig sa laye suno kay Baldovino may salabton ang ang mga naga tugot sa pag operate sang iligal nga panahor.
Dugang pa ni Baldovino, mahimo nga ang amo nga iligal nga STL operation may kaangtanan man sa outlet nga gin-raid sang NBI sa Libertad Market sang nagligad nga Biyernes sa Bacolod.
Gina pat-od sang NBI ang mga operator kag financier sang sining mga iligal nga panahor.
Ang Super Lucky Beagler, Inc lamang suno sa Philippine Charity Sweepstakes Office ang may otoridad sa pag operate sang STL sa probinsya.