Mismo si National Bureau of Investigation Director Jaime Santiago ang nagpatigayon sang surpise inspection sa detention facility sang Bureau of Corrections sa Muntinlupa City matapos makabaton sang reklamo nga ginatagaan sang special treatment si anay Negros Oriental Congressman Arnolfo Teves Jr.
Gin usisa sang director ang mga inmates kun may ginatagaan sang special treatment sa pasilidad kag ila ini nga gin panginwala.
Isa sa mga gin bisita ni Santiago sa pasilidad amo si Shiela Guo, ang utod ni Alice Guo nga anay alkalde sang Bamban, Tarlac.
Samtang ginsiling naman sang abogado ni Teves nga si Atty. Ferdinand Topacio nga naga ayo na ang kondisyon sang iya nga kliyente.
Ini kasunod sang ginbatyag nga komplikasyon ni Teves matapos magpaidalom sa emergency appendectomy.
Dugang pa niya, matapos ang apat ka adlaw nga indi ini maka kaon, subong maka kaon na siya kag nag hagan-hagan na ang sakit sang iya nga tiyan.
Bisan naga baskog na ang iya lawas, naga tumar siya sa gihapon sang pain killer kag antibiotics suno sa iya abogado.
Si Teves ang ginatudlo nga mastermind sa pagpatay kay anay Negros Oriental Governor Roel Degamo kag siyam ka iban pa.