Anay head sang Counter-Terrorism Division sang NBI ang bag-o nga pamuno sang NBI – Bacolod District Office.
Sang Mayo 6 ginpatigayon ang turn-over sa tunga ni anay NBI Bacolod Agent-in-charge Atty Renoir Baldovino kag bag-o karon nga pamuno nga si Manuel Fayre, Jr., nga isa ka Certified Public Accountant. Suno kay Atty Jose Gabriel, Jr., ang executive officer sang NBI Bacolod, sa karon may ginhikot pa balik sa headquarters si Fayre kag natalana ang iya nga pag-abot sini nga semana.
Antes nga nag pamuno sang Counter Terrorism Division si Fayre, suno kay Gabriel, nag serbe man ini pamuno sang NBI – Capiz.
Na assign naman subong sa NBI Tarlac si Baldovino bilang Executive Officer.
Suno kay Gabriel kabahin ini sa regular nga rotation sa talatapan sang NBI. Pito ka tuig nga nagserbe sa NBI Bacolod si Baldovino.
Ang mga pending nga kaso kabahin na sa ma ginturn-over sa bag-o nga pamuno suno kay Gabriel.
Sa ila nga pagsapol kay Fayre ang panugyan niya sa ila amo nga obrahon lamang nila ang ila nga trabaho.