Misis nga nasunogan nagpasalamat sa mga bombero sa pag responde sa nasunog niya nga balay kag pag turn over sa iya sang nabilin nga kwarta nga PHP 10,000.00
Si Grace Jenny Lyn Jimenez, ang tag-iya sang balay nga nasunog sa Villa Baradas, Brgy. Alijis, Bacolod City sang Domingo.
Nagpadulong siya sa Bacolod City Fire Station kaina para personal nga magpasalamat sa mga bombero nga nag bulig palong sang kalayo sa nasunog niya nga balay.
Nagdangat sa P525,000.00 ang halit sang kalayo sa iya balay pero naga pasalamat siya sa gihapon sa ila nanday SFO1 Gelvin C Mapa, nga nag salbar sang mga importante nga mga dokumento gikan sa vault, kay FO2 Ronel Ivan Labansauan, Fire Arson Investigator kag FO1 Gleemer P Villacanas, FTO, nga nag turn over sang iya nga 10,000.00 cash.
Nakita ang kwarta sa sulod balay sa mopping operation kag ginbalik nila sa tag-iya. Gani amo na lamang ang pagpasalamat ni Jimenez sa ila ginpakita nga katampad.