Liwat nga gin panindugan sang National Police Commission nga idismiss ang anum ka mga pulis sadto sang Moises Padilla bangud sang planted nga ebidensya.
Sa panibag-o nga desisyon nagpanindugan ang NAPOLCOM nga i-dismiss gid sa serbisyo ang anum ka mga pulis nga nag apela sa ila naha una nga desisyon nga ma dismiss sa kaso nga grave misconduct kag grave irregularities in the performance of duty.
Ini may angut sa natabo nga checkpoint sa Moises Padilla sang 2017 kun sa diin gindakop kag gin bilanggo ang bise alkalde sadto sang banwa nga si Ella Garcia-Yulo kag iya bana nga si Felix Yulo III bangud nakuhaan sang shabu, mga pusil kag granada.
Napamatud-an sang mag asawa nga ang tanan nga nakuha nga ebidensya ang planted lang sang mga pulis.
Pito man ka bulan nga na bilanggo ang mag asawa pero tigayon man nga naka piyansa kag naka gwa sa bilangguan.
Naka file sang COC si Vice Mayor Yulo kag tigayon nga naka daog bilang alkalde.
Ang hepe sang Moises Padilla sadto nga si Police Capt. Allan Reloj ang naka retire na sa serbisyo kag ang iban nga mga pulis wala na na assign sa Moises Padilla.
Ang iban sa ila ang wala na naga duty. Nalakip sa order sang NAPOLCOM ang pagkakas sang tanan nga retirement benefits sang anum ka mga pulis.