Office of the Civil Defense nagsiling nga plastado na ang tanan sa mga lugar nga apektado sang bulkan Kanlaon.
May malapit sa 5,000 ka mga botante ang iga transport padulong sa ila nga mga voting centers sa tion sang piniliay.
Gin siling ni OCD Negros Island Region Director, Donato Sermeno, III nga sa datus sang Commission on Elections, sa Brgy Ilijan sa Bago City may 2,102 ka mga botante ang iga transport padulong sa voting centers, sa La Carlota City naman 718 gikan sa Brgy Ara-al kag Yubo kag sa La Castellana may 2,116 gikan sa Biak na Bato, Cabagnaan, Mansalanao kag Sag-ang.
“Ang sa La Carlota, may mga IDPs nga i-transport balik sa ila nga barangay kay indi man within sa 6km ang ila nga polling centers”, suno kay Sermeno.
Mga salakayan sang DSWD ang paga gamiton suno sa iya.
Ang mga LGU ang maga provide man sang salakyan suno kay Sermeno sa pag bulig transport sang mga apektado nga botante nga nagdangat sa 4,936.
Ang mga LGU nga salakyan ang butangan sang COMELEC banners kag signages.
“COMELEC ang nag authorize, butangan lang sang banner (ang LGU vehicles)”, suno kay Sermeno.
Ang contingency plan naga sakop indi lamang sang sitwasyon sa idalom sang Alert Level 3 kundi pati na mag alert level 4.
Ginsiling sang COMELEC nga tuyo nila nga madayon ang piniliay ano man ang mangin sitwasyon dala sang bulkan Kanlaon.