Top leader sang Komiteng Rehiyon-Negros, Cebu, Bohol and Siquijor sang New People’s Army amo ang gina alegar nga napatay sa nag luntad nga enkwentro sa banwa sang Binalbagan sang nag ligad nga Huwebes.
Siya ang gin kilala sang army nga si Rogelio Posadas ukon alyas Putin.
Siya ang suno sa army notorious nga katapo sang rebelde nga grupo kag responsable man ini sa mga kalakasan sa rehiyon.
Suno sa military, dako nga kadalag-an ang kamatayon sang regional leader nga si Posadas.
Gina alegar naman sang grupo nga Paghimutad – Negros nga peke ang engkwentro kag kuno si Posadas ang isa ka National Democratic Front of the Philippines consultant apang positibo naman ang army nga ini siya ang lider sang rebelde nga grupo kag lehitimo ang natabo nga engkwentro.
Samtang, nakilal-an naman ang NPA member nga napatay sa engkwentro sa Escalante sang nagligad man nga Hwebes.
Siya si Armado Atoy ukon alyas Arnold.
Siya ang nakilal-an man paagi sa mga anay rebelde nga nag balik na sa sabak sang gobyerno. Yara na sa iya nga pamilya ang bangkay ni Atoy.