Humalin Agosto 10 tubtob 19 ukon morbidity week 33, may 14 tanan ka mga bag-o nga kaso sang dengue ang na record kag may isa nga napatay.
Ang napatay isa ka apat ka tuig nga bata nga lalaki nga taga Villamonte.
Gani kun sumahon, lima na tanan ang napatay sini nga tuig bangud sang dengue kag may kabilogan na nga 743 cases humalin ang Enero.
Nagapanguna ang Mansilingan sa mga barangay nga may dengue cases nga may 78, nagasunod ang Taculing nga may 61, ang Tangub may 48, nagasunod ang Estefania nga may 47 kag Vista Alegre nga may 44.
Sa subong mas nag diutay ang dengue cases kun ikumpara ang nagligad nga tuig nga may 853 cases sa amo man nga period. Mas manubo ini sang 12.9 %
Ang matinlo nga palibot suno sa CHO amo ang yabi para makalikaw sa makamamatay nga balatian.