Isa ka nasamaran nga biktima sa March 4 nga pagpaniro nga ginkamatay ni Negros Oriental Governor Roel Degamo ang nagtaliwan man sang Domingo.
Nagdangat na sa napulo tanan ang napatay sa amo nga pag pang atake.
Sa Facebook sang kampo sang mga Degamo sang Domingo, naka saad nga ang pinaka ulihi nga fatality ang ginkilala kag Fredilino Café, Jr., ukon kilala man nga si Putok.
Siya ang napatay bangud sang mga nasamad nga iya naagom makaligad ang duha ka bulan humalin sang ginsulod sang mga armado ang compound ni Degamo sa Pamplona kun sa diin ginluthang ang anay gobernador kag walo ka iban pa.
Si Café ang taga Santa Catalina kag empleyado sang Negros Oriental Provincial Engineering Office.
Gwa sulod na sa ospital si Café humalin sang nasamaran ini sa pag pang atake.
Pero wala na siya makaluwas kag nagtaliwan sang Domingo.