Isa sa mga katapo sang News People’s Army nga napatay sa engkwentro nga nagluntad sa tunga sang militar kag rebeldeng hublag sang tinalikdan nga Hulyo 20 sa Moises Padilla ang yara sa gihapon nagapabilin sa punerarya.
Sa report sang militar duha ang napatay sa engkwentro sa Moises Padilla sa bahin sang NPA nga amo sanday Marivic Ebarle aka “IVAN” CO sang Section Guerilla Unit, Central Negros 1 kag ang isa ka bangkay naman yara sa gihapon sa punerarya nga sa karon natumod na nga si Romy Catacio alias NONOY kag miyembro sang Central Negros 1.
Ginahulat pa ang iya nga pamilya nga kuhaon ang iya nga bangkay. Huwebes sang nagluntad ang encounter sa Moises Padilla matapos nga gin-report sang pumuluyo ang presensya sang rebelde nga grupo.
Nag engkwentrohanay ang 62nd Infantry Battalion kag ang NPA kun sa diin napatay ang duha ka mga miyembro.