Hwebes, nag yellow alert na lang ang Visayas Grid matapos ang pila ka bulan nga Red Alert. Wala sang may ginpatuman nga manual load shedding ukon serye sang brownouts.
Biyernes gin anunsyo sang NGCP nga nag normal na ang power supply sa Visayas kag wala man sang may ginpatuman nga sunod-sunod nga brownouts.
Ang rason, nagbalik na sa pag operate ang tanan nga planta sa Mindanao gani may 450 MW sang kuryente nga na deliver sa Visayas.
Base sa statement sang NGCP, nag improve ang grid condition sa Visayas bangud sang ginpasakaan man nga generation capacity sang duha ka mga planta sa Mindanao nga sa karon balik operation na.
Diri naghalin ang 450MW nga kuryente nga gindugang sa Visayas.
Pero base man mismo sa statement sang NGCP, kun may major plant outage, mahimo magbalik na naman sa Yellow Alert ang Visayas grid.
Ang Available capacity sang Visayas yara sa 2,672 MW samtang ang peak demand naman ang yara sa 2,308 MW subong nga Biyernes.
Suno sa kay Atty. Cynthia Alabanza, ang spokesperson sang NGCP, sa isa ka press conference sa Metro Manila sang nag yellow alert ang Visayas sang Huwebes, indi pa ini masiling nga mangin tayuyon na ini kay bisan sadto anay natabo man nga nag okay na ang power supply pero nagka problema man.
[sibwp_form id=1]