Balik sa detention cell ang 34 anyos nga si John Mike Olitres matapos ang tatlo ka adlaw nga pag palagyo sang ini ang mag eskapo sa custodial facility sang Bacong Municipal Police Station sang nag ligad nga Miyerkules.
Sang Sabado tigayon nga nag sungka sa otoridad sa Zamboanga Del Norte si Olitres. Siya ang gindala na balik sa Negros Orienal matapos ini mag panago sa Dapitan City. Suno kay Major Fortunato Villafuerte,hepe sang Bacong PNP, si Olitres ang na tultolan matapos ini mag contact sa iya nga pamilya.
Siya ang natalana isaylo sa provincial jail. Kaagahon sang Nobyembre 16 naka gwa sa presuhan si Olitres nga isa ka drug offender, matapos wala maayo ma lock ang detention cell sa Bacong Police Station.
Ginpahayag man ni Villafuerte nga ang duty jailer sang amo nga tion ang ara sa atubang sang police station kag wala sini matalupangdan ang pag palagyo ni Olitres.
Ipaidalom man suno sa NORPPO sa pre-charge investigation ang mga responsable sa pagpalagyo sang detainee.